ಕಳೆದ ಭಾನುವಾರದ ಪತ್ರಿಕೆಗಳನ್ನ ಓದಿಮುಗಿಸಿದಾಗ (ಪೂರ್ತಿ ಏನಲ್ಲ!) ಒಂದು ತರಹದ ವಿಶೇಷ ಅನುಭವವಿತ್ತು. ಮನಸ್ಸಿನ ಯಾವುದೋ ಒಂದು ಮೂಲೆಯಲ್ಲಿ ಖುಷಿಯಡಗಿತ್ತು. ಇ ಅವ್ಯಕ್ತ ಖುಷಿಗೆ ಕಾರಣವೇನು ಎಂದು ಮನಸ್ಸನ್ನು ತಡಕಾಡಿದಾಗ ಸಿಕ್ಕ ಉತ್ತರ, ಮಾಜಿ ಉಪಮುಖ್ಯಮಂತ್ರಿಯವರಾದ ಎಂ.ಪಿ.ಪ್ರಕಾಶ್ ರವರ ೭೦ನೇ ವರ್ಷದ ಜನ್ಮದಿನೋತ್ಸವದ ಆಚರಣೆಯ ಸ್ಥಳ ಹಾಗು ರೀತಿ!
ಸಾಮಾನ್ಯವಾಗಿ ರಾಜಕೀಯ ಪ್ರವೃತ್ತಿಯಲ್ಲಿ ಇರುವವರು ಮಾಡುವ ಕೆಲವೇ ಕೆಲವು ಒಳ್ಳೆಯ ಕೆಲಸಗಳನ್ನೂ ಸ್ವಾರ್ಥ ಪ್ರಚಾರಕ್ಕೊಸ್ಕರವೇ ಮಾಡುತ್ತಾರೆ ಎಂಬ ಧೃಢ ವಿಶ್ವಾಸ ಜನತೆಯಲ್ಲಿದೆ! ಎಂ.ಪಿ.ಪ್ರಕಾಶ್ ರದ್ದು ಹಾಗಾಗಿರದಿದ್ದಲ್ಲಿ ತುಂಬಾ ಒಳ್ಳೆಯದು.
ಆದರೆ, ಒಂದು ವೇಳೆ ಪ್ರಕಾಶ್ ರದ್ದು ಡೋನ್ಗಿತನದ ಆಚರಣೆಯೇ ಆಗಿದ್ದರೂ ಕಾರಾಗೃಹದ ಕೈದಿಯ ಸ್ಥಾನದಲ್ಲಿ ಇರುವವರಿಗೆ ಅದರ ಉದ್ದೇಶದ ಅಗತ್ಯವಿಲ್ಲ. ಅವರಿಗೆ ದೊರಕಿದ ವಿಶೇಷ ವಾತಾವರಣ, ಸಂಗೀತದ ಕಾರ್ಯಕ್ರಮ ಮತ್ತು ಭೂರಿ ಭೋಜನ ಖಂಡಿತ ಅವರಿಗೆಲ್ಲ ಸಂತೋಷವನ್ನುಂಟುಮಾಡಿರುವುದರಲ್ಲಿ ಯಾವ ಅನುಮಾನವೂ ಇಲ್ಲ. ಈ ಎಲ್ಲಕ್ಕೂ ಕಾರಣಕರ್ತರಾದ ಪ್ರಕಾಶ್ ರವರಿಗೆ ನನ್ನ ಕೃತಜ್ಞತೆಗಳು.
ಈ ಘಟನೆಗಳು ಪ್ರಕಾಶ್ ರವರ ಸಹೋದ್ಯೋಗಿಗಳಿಗೆ ಅಸೂಯೆಯನ್ನು ಉಂಟುಮಾಡಿರಲೂ ಸಾಕು. ಸ್ವಾರ್ಥ ಲೋಕದಲ್ಲೇ ದಿನವೆಲ್ಲ ಕಳೆಯುವ ರಾಜಕೀಯ ವ್ಯಕ್ತಿಗಳಲ್ಲಿ ಪ್ರಕಾಶ್ ರವರು ವಿಭಿನ್ನ, ವಿಶೇಷ!
ಪ್ರಕಾಶ್ ರವರ ಈ ಸೃಜನಶೀಲ ವ್ಯಕ್ತಿತ್ವದ ಹಿಂದೆ ಇನ್ನು ಹೆಚ್ಚಿನ ಪ್ರಾಮಾಣಿಕತೆ ಅರಳಲಿ. ಅವರ ವೈಚಾರಿಕತೆ ಹಾಗು ಬದ್ಧತೆಗಳು ಸಮಾಜಕ್ಕೆ ಅರ್ಪಿತವಾಗಲಿ.
ಅಂದ ಹಾಗೆ, ಪ್ರಕಾಶ್ ರವರಿಗೆ ಹುಟ್ಟುಹಬ್ಬದ ಶುಭಾಶಯಗಳು.
No comments:
Post a Comment